Termine 2020

D’ Hühnerbar-Crew isch natürli au im 2020 wieder aktiv und mir freued eus uf es paar lässigi Fästli gmeinsam mit eu. Damit ihr die au ja nöd verpassed di wichtigste Termine für s 2020:

Samstag 23. Mai 2020 Dorfgaudi Parkplatz Dreispitz Oberwil-Lieli

Samstag 27. Juni 2020 Schlagerwahnsinn Bremgarten -> Teilnahme am Umzug

Freitag bis Sonntag 28. – 30. August 2020 Eidg. Scheller- und Trychlertreffen Bremgarten -> Barbetrieb

Punkteilöse-Alass Curling

Euse ersti Punkteilöse-Alass i dem Jahr hätt eus id Curling Halle vo Dübedorf gfüehrt. I Teams hämer det gägenand dörfe es chliises Turnierli spielä und viel Spass ha debii. Aschlüssend sind mir mitemne feine Fondue verwöhnt wordä. Es paar Impressione findet ihr i de Rubrik “Fotos”.

Punkteilöse-Alass Canstatter Wasen in Stuttgart

Was für es Weekend in Stuttgart! Jede Hälfer und jedi Hälferin chunt bi ihrne Isätz i de Hühnerbar Pünkt über. Bi Aläss chönd die Pünkt denn iglöst wärde. De diesjährig Punkteilöse-Alass hätt eus ad Canstatter Wasen in Stuttgart gfüert. Mir händ viel glacht, gschunklet, tanzt, fein gässe, usglasse gfiret und die eint oder ander Achterbahn usprobiert. Schööö wars!

 

 

 








 

 

Hälferusfluug MEGA & Dorfgaudi

D’ MEGA z Berikä und s’Dorfgaudi sind verbi. So Aläss sind ned möglich ohne e Vielzahl a engagierte Hälfer. Als Dank gibts immer en Hälferusflug. De hätt eus dasmal id Mytheregion gfüert und mir händ zäme zwei tolli Täg verbracht. Impressionen devo findet ihr i de Rubrik “Fotos”. Danke Marc für d’ Organisation!

Dorfgaudi 2019

S Dorfgaudi isch bereits wieder verbi und mir danked allne wo eus cho sind go bsueche. D Bilder sind jetzt online! Lueget doch i de Rubrik “Fotos” mal drii!!

Bis bald,

d’ Hühnerbar-Crew

D’ MEGA19 isch verbii

Vo Dunnstig bis Sunntig händ mir a de MEGA19 z Berikä zahlriichi Gäst därfe empfange. Trotz wächselndem Wätter isch es en super Alass gsii. Me Bilder findet ihr i de Rubrik “Fotos”.

 

Ordnig muss si

All Jahr händ mir en Tag a dem euses Lager ufgrumt wird. Au das Jahr isch wieder flissig putzt, gruumet und am Schluss gmüetli zämeghockt wordä. Danke viel Mal allne wo cho sind go hälfe!

 

Join us on Facebook